أمل نايف قصة عشق لاتنتهي

الجزء الرابع والاخير.....
افنان وهي ماسكه جوالها : بنات فيه رقم غريب ارد ولا لا
وجدان : ردي لايكون واحد من اهلك مغير رقمه وبيقولك
افنان : الـــــــــــو
اللي بالجوال : هلا هلا بروحي
افنان : مين معاي
اللي بالجوال: يعني للحين ماعرفتيني وانا اقول اكيد اول ماتسمعين صوتي بتعرفيني
افنان : والله ياقلة الحيا وتبيني اعرفك....قفلت جوالها بوجه المتصل
روان : ليه قفلتي يمكن واحد من اللي جالسين هناك
افنان : وش اللي بيعرفهم على رقمي
معالي : مو قلتي انك تعرفين واحد معاهم اسمه امين
افنان وحاطه يدها في شعرها وتبرمه: ايه والله انك صادقه كيف راحت علي ذي وش اسوي والله امين مايتفوت
وجدان : بكل بساطه ياروحي مو رقمه عندك بالاتصالات الوارده عطيه دقه وهو بيرجع يدق عليك وانتهينا
افنان : والله منحرجه منه وخايفه مايعطيني وجه
روان : اقول دقي مو تقولين تموتين فيه ورينا موتك الحين
دقت افنان عليه ولقته مقفل درجت بعيونها على جهة الشباب ولقته يلفلف بجواله بين ايديه وفجأه لفت وجهه على البنات وهي تناظر فيه
افنان ومن بين اسنانها تتكلم: بنات طالعوا باقي عيونه هنا
البنات : مين هو؟
افنانوهي معصبه على البنات: وانا من الصبح وش اقول
البنات: ههههههههههههههههههههه
بعد ماخلصوا من افنان كل وحده لقيت لها حبيب من اللي موجودين
وتعرفوا على بعض وكل اثنين جلسوا مع بعض اما باقي شله الشباب اللي مالقوا لهم شي قاموا راحوا مكان بعيد عنهم
راحت افنان مع امين وتعالوا شوفوا الغزل في بعض وأظن انهم مابيخلصون
اما روان اختارت سلطان
روان : ياليتني عرفتك ياسلطان من زمان
سلطان : انا فدوه لك بصراحه انتي البنت اللي كنت اتمناها وجيتي ودخلتي قلبي وابيك ماتطلعين منه للابد
روان :ان شاء الله ياروحي
سلطان ومن غير ماتحس روان ويعطيها بوسه على خدها والبنت صارت طماطم ناجحه يعني استوت
ومعالي اختارت ماجد
ماجد : تدرين يامعالي وش اللي محببني فيك
معالي مستحيه ومنزله راسها
ماجد : محببني فيك دلعك والله احبك
وراحوا مع بعض ياخذون لهم فره بالدبابات اللي على الشاطي
اما وجدان اختارت اللي ملك قلبها من اول نظره شافته فيها اللي هو (سينو)
وجدان بدأت في اسئلتها اللي ماتخلص: سينو ممكن اسألك سؤال؟
سينو : تفضلي اسألي ولايردك الا لسانك
وجدان : ممكن اعرف من متى وانت بالسعوديه وكيف تعرفت بذولي الشباب؟
سينو يطالع فيها وهو مبتسم لها : انا جيت السعوديه وانا صغير ما بقي دخلت المدرسه ودرست بمدرسه كانوا كلهم اللي شايفتهم بنفس الكان وتعلمت العربي والحين كأني منكم وفيكم
وجدان تتفرج على عيونه وتقول في نفسها ياحظ اللي تجلس معاهم وتتكلم وياهم
سينو : وجدان وين سرحتي ياقلبي
وجدان : لا ابد سلامتك واخذت رقم جواله وهو اخذ رقمها ومن هذاك الوقت وهم يكلمون بعض
خلاص انتهوا البنات من دجتهم ورجعوا للكبينه حقتهم لانهم بيجهزون العشا وبعدها يرجعون لشقتهم دقوا على السواق وراح اخذ البنات وهم يحملون معاهم اجمل وقت قضوه بالكبينه
لما وصلوا للبيت ورتبوا اغراضهم وبدلوا ملابسهم جلسوا وكل وحده تعطي اخبارها للباقيات ووش اللي حصل معاها
دخلوا البنات على غرفهم وكل وحده على فراشها غفت عين اموله ومادرت الا وجوالها يدق وكانت نغمته رومنسيه حيل ورفعت الجوال من تحت المخده حقتها وشافت الرقم وبغت تتجنن من الفرح
امل : هلا حياتي
نايف : هلا فيك يابعد روح نايف كيفك والله اشتقت لك
امل : والله من يوم مارجعنا وانا افكر فيك
نايف : القلوب عند بعضها المهم قوليلي وينك الحين
امل : انا بالغرفه لكن توني اطلع منها عشان اخذ راحتي معاك
نايف : طيب ابي اقولك شي؟
امل : قول ياعمري والله خوفتني عليك فيك شي؟
نايف : مافيني الا العافيه اصبري ليه مستعجله كذه
امل : طيب تكلم وش فيك
نايف : احبببببببببببببببببببك
امل : آآآآآآآآآآآآآآآآآآآه يانايف من زمان على الكلمه ذي تتذكر اول لقاء لنا في الديره كانت اول كلمه تقولها لي
نايف : ماتنسي ذيك الايام يا اموله لكن تدرين انك تحلوين زياده
اموله وهي منحرجه: خلاص يانيوفي
نايف : والله اسمي يخرج من فمك زي العسل
امل : طيب يانايف انا بستأذن لاني تعبانه وابي انام شوي
نايف : والله مابي افارقك ولا لحظه لكن اهم شي صحتك وراحتك عندي بالدنيا كلها
قفلوا امل ونايف
المهم طوال السنه ذيك وهم يتصلون ببعض اما يوم جا وقت الاختبارات انقطعت المكالمات بينهم لانهم انشغلوا بالمذاكره يوم انتهت الاختبارات وطلعت نتايجهم وكلهم ناجحين بنات وشباب
اتصل نايف على اموله بعد النتايج يبي يطمن عليها
نايف : السلام عليكم
اموله : وعليك السلام هلا وغلا
نايف : طمنيني عنك ياروحي كيف نتيجتك؟
اموله : ابشرك نجحت الحمد لله
نايف : الف الف مبروك والله فرحتيني
اموله : الله يبارك فيك
نايف : امولتي ممكن طلب؟
اموله : تفضل آمر
نايف : اعطيني رقم الوالد
اموله : ليه مو عندك الرقم
نايف :عندي لكن ادق ويرد واحد غير ابوك
اموله : اكيد انت تدق على الرقم الاول ..... اعطته الرقم وهي تعطيه تقوله طيب وش تبي فيه
نايف : يعني تسوين نفسك ماتعرفين ليه؟
اموله : ادري لكن ابي اسمعها منك مابي احد غيرك يقولها لي
نايف : ابيك يا اموله والله ابيك تكونين زوجتي على سنة الله ورسوله لاني ماراح الاقي احسن منك
امل من كثر الفرحه قفلت الخط وراحت عند البنات تناقز وتقولهم بالخبر
قاموا البنات ويسلمون عليها ويباركون لها وفرحانات لكن في نفس الوقت زعلوا لانها لما تتزوج بتروح في بيت ثاني
واخيراً اتصل نايف على ابو امل وطلب يدها للزواج ...... وافق ابو امل وامها وحددوا موعد الملكه والزواج ومكان القصر اللي بيسوون العرس فيه
تزوجت امل ونايف وعاشوا اجمل ايام حياتهم ولا زالوا عاشقين لبعض
اما البنات رجعوا لشقتهم وكملوا حياتهم بكل مافيها من شقاوه ورومنسيه مع اللي احببتهم قلوبهن.........

اتمنى تكون عجبتكم ونالت استحسانكم جميعا
تقبلوا تحياتي ولكم خالص شكري وتقديري