الفصل الثاني ...
القلب سلم لك امره
فيحالتي انته ادرى
ياللي حنانك وطيبك
ينحط على الجرح يبرا
رنا تطلع الجوال من جيبها .. : يلا عيوني بطلع
تطلع من غرفتها .. وتروح لابوهــا يلا بابا توصي بشي
صقر : سلامة عيونك وقلبك
رنا : هاا مب تطلع منا والا مناك .. اخاف يخطفونك مني
صقر: ابتسم لها : ومين يقدر يخطفني من بنتي الغاليه
رنا : ههههه معليش يالغالي نتفاهم بعدين .. يلا باي .. باست اصبعهاوطيرت البوسة بالهواء لابوها
صقر( اهـ ياقلبي ... يتذكر زوجته اللي توفتوهي تولد برنا .. يتذكرهمساتها باذنه وهي ع فراش الموت)
امرنا ..: تكفى ياصقر حط بنتي في عيونك
حبك لي كله خله احين لرنـــا .. ترا مالها غيرك بالدنيا هذي .. مسكتيده بقوهـ واضغطت عليها ... أحبكـ ياصقر..
صقر : يناظرها بعيون ذبلانه .. روحه .. عمره .. حياته .. دنيته كلهــا تموت وهو يناظر فيها ..
امرنا : غمضت عيونها وهي مبتسمة انها فارقت الدنيا في حظن اغلى الناس صقر هو ابوهاوامها واخوها واخوتها ..
انتبه صقر ع رنة جواله ....
صقر .: الوووووووو
ابراهيم : يلا صقر تعال الديوانيه .. الشباب موجودين
صقر : دقايق واكون فيه ..
صقر .. يكلم ابراهيم وحابس ادموعه
انتهى من المكالمه وضرب طرف الكنبه بيده .. وتجاهل الالم اللي صابهمن الضربه القويه
صقر
طويل .. ضعيف .. اسمراني .. عيونه عسليه .. شعره ناعم .. عمره 44 سنه ...
ولكن مستحيل احد يشوفه ويعطيه فوق الـ 33 ...
دخل غرفته .. لبس ثوبه .. وضبط شماغه .. ورش رشتين عطر..
لبس ساعته .. وخذ جواله ومفتاحه .. طلع من بيته وركب سيارته عشان يروح الديوانيه عند الشباب
بالرغم من حالته المادية اللي موووش كويسه مره .. الا انه يهتم فيروحه وشكله واناقته .. ورنا .. نسخة من ابوهــا .. حتى اللي في الجامعه يفكرونهابنت واحد مستواه المعيشي مره مره عالي ..
................................................
رنا واماني في وسط السيارة ...
اماني : ياعمري يااااااسلوووى .. مدري وش حالهاالحين
رنا : انتي مادقيتي عليها
اماني : لا
رنا : اسم الله عليك وكيف نروح اجل وماعطيتيها خبر ..
اماني : ماقدرت اكلمها ..
رنا سكتت .. ( ع الاقل شافته وعاشت معه.. لكن وش يقول اللي ماشاف امه ولا حضنها .. ولا شبع منها )
..........................................
بيت ام محمد ...
فيالبيت الفخم .. في مجلس الضيوف
ام عادل: .. ياخويتي مادريتي وش صار
ام محمد ..: عسى ماشر
ام عادل ..: ههههههههه فالح الشـ ........ عطاك عمره
ام محمد :
فالح الشــ ...... ماغيره ؟؟؟؟؟؟؟؟؟؟؟؟؟؟؟؟؟
ام عادل : ايه ماغيره يقولون مسوي حادث على طريق الملك فهد .. صدم بتريلة .. شافوه ـقطع واوصال تخيلي
ام محمد : لاحول ولاقوة الا بالله العلي العظيم .. الا انتي وشدراك
ام عادل : النوري تقول شافت الخبر في جريدة اليوم ... بالنت ..الا صدق بسألك زوجك الله يرحمه كان صديقه حييييل والا ؟؟؟؟
ام محمد ..: لا لا بس علاقة عمل ...
ام عادل ..: يقولون بعد حتى زوجته يمكن تلحقه .. تعبانه وفيها مرض ماله دوا
ام محمد : اعوذ بالله من الشيطان الرجيم .. اسكتي يام عادل .. لازم كل جلسة ماتطرين الا الاشياء الشينه ..
ام عادل : بعد هذا جزاي اجيب لتس الاخبار الهامه وبالتفصيل الملل
ام محمد :: حصة الله يهداك .. اذكري الله من زين الاخبار عاد فلان مات وفلان مريض وفلانه تطلقت وفلانه تزوج عليها زوجها .. سبحان الله ماتوصلك الا الاخبارالشينه
حصة انحرجت بس سوت نفسها طبيعيه خذت لها صحن ورق العنب الي ع الطاوله وقامت تاكل وتتبسم ( منعا للفشيلة)
.........................................
رنا واماني وصلو عند بيت سلوى ..
نزلو من السياره
اماني : عبد الكريم اذا انا في دق عليك انت تعال بسرعه مافي يتأخرمثل كل مره
عبد الكريم : هادر ماما
رنا : امووون قلبي يعورني .. اول مره احضرعزاا
اماني : والله تحملي .. يعني برضى هاذي صديقتنا مالها احدغيرنا
رنو جرس الباب .. افتحت لهم الخادمه ..
اماني : وين سلوى
الخادمه : في غرفة ماما ام ناسر ( ام ناصر)
رنا واماني .. مب اول مره يجون البيت .. وعارفين مكان الغرفه ..
راحو للغرفة اللي فيها سلوى وامها ...
دقو الباب بخفيف .. سلوى بصوت مخنوق ميييييييييين؟
رنا : سلوى ياقلبي انا رنــا
سلوى اسمعت صوت رنا .. نزلت دموعها تلقائيا .. محتاجة احد يوقف وياهافي الموقف الصعب هذا
فتحت الباب ع طول وضمت رنا بقوه وجلست تبكي .. وتبكي .. تذكرت انامها نايمه خافت تسمع صوتها وتتروع ..
تركت حظن رناأ ولمحت اماني عند الباب .. مسكت يد اماني وضمتها وماقدرت تكتم بكائها اكثر .. قامت تبكي بغزارة ... واماني .. تصطنع القوه ولكن قلبها من داخل محترق ع صديقتها الغاليه
رنــــــــا ودموعها ع خدها : سلوى كيفها امك
سلوى هزت راسها .. رنا واماني افهمو انا تمام ..
تنهدو .. وقالو الحمد لله ..
سلوى .: تعالو غرفتي ..
سلوى وهي تفتح باب الغرف هالا ام تركي طلعت في وجهها ..
سلوى تجاهلت نظرات زوجة اخوها اللي تتعودها بالاهانه والقسوة
سلوى : يلا اماني ورنو تعالوووووووغرفتي
اماني : وهي تناظر ام تركي من فوق لتحت وتهمس حق رنو والله العظيم ودي اخذها من شعرها وارميها من النافذه
رنو : ضحكت ع عصبية اماني .. اووووش لاتسمعك والله تطردنا
.................................................. .
السبت يناير 16, 2010 9:05 pm
